بداية البيت السعيد

معظمنا شباب لسه على خطوه من الخطوبه او الزواج محتاجين نصائح كتيره
أعتقد أول خطوة بتكون أن تسمع
الأول: يا باشا فية عروسة ليك كويسة جدا
انت: طب إنت تعاملت معاها و حسيت إنها كويسة
الأول: أممممم حقيقتا أن سمعت عنها وأهلها ناس طيبيين
أنت: طب أنت تعاملت مع الأهل كتير
الأول: أنا شفتهم مرة و سلمت عليهم وهم جيران وشكلهم ناس زى العسل

أو إنك ترى بنت فيشدك ليها أى شئ و تفكر أنك تفكر فى أن تجعلها أميرة حياتك

وصراحتا أقترح أن تتجرأ و تقوم بالخطوة التالية لأن ممكن إحتمال يعنى.... تكون هى دى جنة الله فى الأرض كما وصف رسول الله (ص) الزوجة الصالحة فلا تضيع الفرصة منك لأنك حاسس ببعض القلق لإن الفرص لا تأتى كثيرا لكى تجد بنت كويسة ولو ضاعت منك الفرصة دى ستندم بعدين و تقول ياريتنى ياريت

الخطوة التالية: أرى إن الخطوة التالية يجب أن تكون الإستخارة اليومية و تكون الإستخارة قبل أن تعمل أى حاجة بالنسبة للبنت ثم إستخارة يومية لأن صراحتا بيكون الواحد يقسم بأن دى أحسن بنت فى الدنيا و ملاك يمشى على الأرض ثم يعمل إستخارة و تانية و ثالثة فيظهر أمامة حقيقة الأمر "عوووووووووووووووووو"

و صلاة الإستخارة مش حيجيلك فى الحلم حد يقولك تزوجها أو لا تتزوجها ... صعب موضوع الحلم دة .. هو ممكن بس لا تعتمد علية خالص
أعتمد إنك دعىت ربنا السميع وقلت يا رب لو خير ساعدنى أكمل و لو شر فلا تجعلنى أكمل ثم توكل على الله كليا وحط فى بطنك بطيخة لإنك توكلت على الله وهو لن يضيعك أبدا أبدا
فلو خير فمبروك عليك ألف ألف مبروك لقد وجدت جنة الله فى الأرض بتوفيق من ربنا
و لو شر فالموضوع هيبوظ لوحدة والحمد لله على سلامتك يا بطل كنت حتلبس فى الحيط قوم بسرعة صلى صلاة شكر إن ربك أنقذك ..أنا عارف أنك ستكون زعلان ..بس ألم ساعة ولا ألم كل ساعة ... هو لا يكون صراحتا ألم ساعة .. هو بيطول شويتين تلاتة أربعة .. بس أحنا شباب بيعدى فى الحديد .. سأتكلم كيف تنسى هذا الموقف بس بعدين



دلوقتى هانتكلم عن

للقاء الأول
عادتا بيكون فى بيت العروسة أو فى أرض محايدة مثل بيت أحد المعارف أو مطعم أو نادى و بيكون طبعا بتواجد أهل العروسة و العريس
يجب أن يكون عائلة العروسة أذكياء بأن يدعوا مجال إن الولد يفتح حديث مع البنت -فى تواجد العائلتين طبعا معهم- بيحصل حاجات غريبة
العائلتين بيسخنوا فى الكلام خصوصا مع وجود النساء و لو كانوا أصدقاء و يبدأوا يتذكروا أيام زمان و أية اللى كان بيحصل و مين راح -و الله بتتكلمى جد- ومين مرحش - يا سلام - وياك ياك ياك ياك ياك ... ضاعت عليك الساعتين المسموح بيهم يا عريس .. روح على بيتكم
سأقول لكم أفضل سيناريو..

أولا فى قاعدة عظيمة و مهمة بتقول "الإنطباعات الأولى تدوم"
و تانية بتقول "خش مش همك تظهر بإنك كويس حتى لا ترتبك و تتنيل بستين نيلة خش كإنك مش مهتم تثبت نفسك"
ثالثة "بص يا بطل مسموحلك بحد أقصى 3 زيارات تكون كونت فيها رأيك علشان دخول بيت الناس و الخروج و مقابلة بنتهم من غير أى نوع من الإرتباط مش بسيط فبعد ال 3 زيارات (نقول الواحدة منهم ساعتين أو تلاتة) فينتظر منك أن تقول موافق و أريد أن أخطب بنتكم أو تقول الكلمة اللى لو ذكرت فى أى محادثة تكون هى النهاية ... طبعا إنت عارف أية هى الكلمة ....الكلمة اللى لو وضعت فى جملة مفيدة ستنهى بها أخر لقاء ... الكلمة هى "الجواز قسمة ونصيب"
إذن الخطة كالتالى
عايز أستفيد من كل دقيقة لمعرفة هل الطرف الأخر هو ما أريد أم لا
إذن لا تضيع وقت فى حاجات ملهاش لزمة .. طب تعمل أية
تكون كاتب أية مواصفات البنت (أو الولد للبنات) اللى أنت عايزها بالضبط على ورقة
مثلا:

أنت عاوز وحدة تقويك فى الدين و تجعلك تقوم الليل و تصلى الفجر و تخرج جزء من مالك صدقة و تبر أمك و أبيك و تحفظك و تحفظ بيتك و ترضيك
كل اللى فات معناة بنت .... متدينة ....

أنت حساس شوية للكلام مبتحبش حد يبرطم فى الكلام و يغلط
معناة بنت عندها زكاء أجتماعى ومؤدبة

أنت ولد طول عمرك مع ولاد كل خروجاتك مع ولاد ...كفايااااااااااااا... أنت عايز حاجة مش موجودة فى أصحابك
معناها بنت رقيقة

أنت عايز واحدة توافق إنها تكون ربة بيت ... مستعدة تعتنى بك و بالبيت و فهمة ال job بتاعتها - واحد بعد مأتجوز مراتة قالتة أنا مش شغالة عندك أنا لا أطبخ و لا أكنس و لا أمسح أنا قلت لك قبل الجواز كدا...يالله.. طبعا الاخ الفاضل دة لم يكن مركز فى الكلام قبل الجواز
إذن أنت عايز وحدة ربة بيت و فهما إنها ستكون محور البيت كلة وأنها عليها شغل البيت و إنت عليك مواجهة العالم الخارجى و حماية البيت و تحول بيتكم إلى جنة

أنت عاوز واحدة أهم حاجة عندها أسرتكم المستقبلية أهم من أسرتها الحالية و أهم من وظيفتها
أنت عاوز واحدة مستعدة تسمع كلامك و إذا أختلفتم و لم تقنع أنت برأيها بعد الحوار فيجب أن يكون هناك سائق واحد فى البيت للسفينة
أنت عاوز واحدة مستعدة تتجوز لانك لو أخدت وحدة صغيرة جدا فغالبا ستحب هى أن تستنى لحد ميجلها الواد الفت النت الست البت ولو عملت أية فستجدها مش طلبة معاها تتجوز ساعتها
وهكذا
ثم أبدأ تحويل كل هذة الصفات إلى أسئلة زكية - يا رب هب لنا الزكاء - غطى السؤال بطريقة زكية و ضعة فى هدية جميلة ورقيقة و أعطه لها
لاحظ إنك بتكلم بنت متعرفكش فإذا سألت بأسلوب جاااااااااااااااامد شويه ستخسر لأنها لا تعرف إنك إنسان كويس مبيعرف يسأل صح
وإذا سألت بأسلوب الرجل الذكى ستضع أنطباع أولى عليك ممتاز
و كذلك الكلام بالنسبة للبنات
فأجعل كل دقيقة هى دقيقة فعالة لمعرفة الطرف الأخر أكثر
أنت هناك لهدف فلا تتشتت

إلى البنات: أنا وضعت فى هذة الرسائل كل ما يبحث عنة كل رجل فمن الجميل إن فعلا تتسمن بهذة المواصفات

وبعد أن أدرك شهرزاد الصباح سكتت عن الكلام المباح