صدقنى انا عارف‏........

السلام عليكم ورحمة الله وبركاته
بسم الله الرحمن الرحيم


صدقنى أنا عارف

صدقنى أنا عارف إن الصلاة فرض وإنى لازم أصلى فى الجامع

صدقنى انا عارف إن السجاير حرام وإنها بتضيع فلوسى وصحتى

صدقنى أنا عارف ان القهاوى حرام

صدقنى انا عارف إن المفروض ما أرتبطش بالبنات وأكلمهم وإنى إلى هعمله معاهم هيتردلى فى عيلتى

صدقنى انا عارف إن أنا على غلط وإن أنا كده قريب من النار

صدقنى أنا عارف أن الحشيش والإستيلا والمخدرات حراام وبتضيعى عقلى وبتخلينى زى الحيوان

صدقنى أنا مش وحش وأنا بحب ربنا وبحب النبى صلى الله عليه وسلم

صدقنى .... وصدقنى .... وصدقنى.......

صدقنى أنا عارفه إن شعرى لا زم أغطيه وإنى باخد بكل شعرة بتبان منه سيئه وإن كل شاب بيتفتن بيا باخد سيئه عليه

صدقنى أنا عارفه انى إنى لازم أصلى و إنى أحافظ على نفسى لحد ما أتجوز

صدقنى انا عارفه إن المفروض مقعدش على قهاوى وأشرب شيشة

صدقنى انا عارفه إن المفروض محدش يلمسنى غير إلى يحل ليا بس

صدقنى أنا عارفه إنى المفروض ما أنزلش من بيتنا بالهدوم دى

صدقنى ...وصدقنى ...وصدقنى........

وفى الأخر إدعيلى ربنا يهدينى

معلومة بسيطه ...المعرفه غير الإيمان ...

إنك عارف أن الصلاة فرض مش كفاية كلنا عارفين المحشش أو إلى بيخدر وبيسمع الأذان بيوطى صوت الكاسيت وقت الأذان إنما لو كان مؤمن كان نزل صلى

انا عارف إنك عارفه إن الحجاب فرض بس فين حجابك فين إيمانك إنك لازم تكونى عفيفة إنك أغلى من الجواهر(متقوليش القماشة إلى على الراس دى حجاب مش هنضحك على بعض)

إنتوا فيــــــــــــــــــــــــــن ورايحين فين

أنتوا مستنين إيـــــــــــــــــــــــــــــــه؟؟

مستنين إن أخوك أو أختك أو بنتك تموت قدامك وهى بتعمل المعصية

مستنى إن ربنا يبتليك بسرطان ولا شلل عشان تتوب وتفوق من إلى أنت فيه

مستنيه إن ربنا يبتليكى بمرض جلدى عشان تخبى لحمك إلى مفرجه الناس عليه ولا يوقعلك شعرك إلى مطيراه على الناس

ولا مستنى ربنا يعميك بعينك إلى ما بتسيبش بنت معدية إلا و فحصت كل حته فيها

مستنى إنم تدخل القبر ويسألك الملكين من ربك ومن نبيك وما دينك هترد بإيه ..هرتد بإلى كنت عايش عليه فى الدنيا كنت بتعيط عشان حبيبك ومعيطش من خشية ربنا كنت بتبص للبنات ومبصتش فى كتابه تقرأ قرآنه هتقول إيه لنبيك على الحوض هتقوله انا بحبك بس مبسمعش كلامك

فوقوا بقى قبل ما تموتووااااااااااااا



مستنى ايه
[ندعوك للتسجيل في المنتدى أو التعريف بنفسك لمعاينة هذا الرابط]

مستنيه ايه ؟
[ندعوك للتسجيل في المنتدى أو التعريف بنفسك لمعاينة هذا الرابط]


لسه مستنى
هتلاقي قلبك فين
في الحب المحرم ؟؟ ولا حب الله
ولا هتفوقى امتا

هتفوقى من غفلتك امتا
لما تنحطى في القبر
منقووووووووووووووووووووول

بارك الله فيكى يا اختاة
ومعكى حق
لازم الشباب يفوق
[ندعوك للتسجيل في المنتدى أو التعريف بنفسك لمعاينة هذه الصورة]

استغفر الله العظيم من كل ذنب عظيم
اللهم اهدنا واهدى بنا واجعلنا سبب لمن اهتدى
بارك الله فيكى