منتدى نحوا حياة افضل دنيا ودين
اهلا ومرحبا بكم فى نحوا حياة افضل دنيا ودين نرجوا ان تقدوا وقت جميل فى طاعة الله
فاهلا ومرحبا بكم
منتدى نحوا حياة افضل دنيا ودين
اهلا ومرحبا بكم فى نحوا حياة افضل دنيا ودين نرجوا ان تقدوا وقت جميل فى طاعة الله
فاهلا ومرحبا بكم
منتدى نحوا حياة افضل دنيا ودين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى اسلامى . دينى . سيرة الرسول .مرئيات اسلامية . حياتى . اخلاقى . مجتمعى .علمى . تعليمى
 
الرئيسيةأحدث الصورالتسجيلدخول

 

 أرز بالخلطة وكريب سوزيت على "سفرة دايمة"

اذهب الى الأسفل 
كاتب الموضوعرسالة
هبه من الله
كبار الشخصيات
كبار الشخصيات
هبه من الله


الاوسمة : أرز بالخلطة وكريب سوزيت على "سفرة دايمة" Mod

عدد المساهمات : 256
تاريخ التسجيل : 21/03/2009
العمر : 35
الموقع : https://eleislam.hooxs.com

أرز بالخلطة وكريب سوزيت على "سفرة دايمة" Empty
مُساهمةموضوع: أرز بالخلطة وكريب سوزيت على "سفرة دايمة"   أرز بالخلطة وكريب سوزيت على "سفرة دايمة" Emptyالإثنين ديسمبر 27, 2010 2:07 pm

أرز بالخلطة وكريب سوزيت على "سفرة دايمة" 520880







أرز بالخلطة وكريب سوزيت على "سفرة دايمة" Fwerwa_0
كل اللي عليكي إنك تقطعي الفاصوليا وتخلطيها مع باقي مكونات السلطة








النهارده هنقدِّم لكم عزومة مكوّنة من: سلطة الفاصوليا الخضراء
والفلفل الأحمر، وشوربة السبانخ بالفراخ، وأرز بالخلطة والكبد والكلاوي،
وكريب سوزيت..


سلطة الفاصوليا الخضراء والفلفل الأحمر
المقادير:

  • 1/ 2 كيلو فاصوليا خضراء مسلوقة مقطّعة قطع صغيرة
  • 4 ثمرات فلفل أحمر مقطّع مربعات
  • 4 ثمرات طماطم جامدة مقطّعة مكعبات
  • كابوتشا مقطّعة شرائح رفيعة
  • 1/ 4 كوب زيت زيتون
  • فصين ثوم مفرومين
  • عصير 2 ليمونة
  • ملح وفلفل


الطريقة:
الطريقة بسيطة جدا، وكل اللي عليكي إنك تخلطي كل المكوّنات مع بعضها، وتحطّيها في طبق التقديم.. وبالهنا والشفا.


*******************




أرز بالخلطة وكريب سوزيت على "سفرة دايمة" Srfwe
صبّي الشوربة في الأطباق وقدّميها ساخنة











شوربة السبانخ بالفراخ
المقادير:

  • كوب سبانخ مقطّعة
  • 1/ 8 كيلو صدور فراخ مشوية
  • 1 1/ 2 كوب كريمة لباني
  • بصلة صغيرة مقطّعة
  • لتر شوربة فراخ
  • زيت


الطريقة:
1- سخّني الزيت في حلة
على نار متوسّطة، وشوّحي فيه صدور الفراخ لمدة دقيقتين، وبعد كده ضيفي
عليهم البصل مع التقليب لغاية ما تحسي إن البصل لونه ذبل.

2- ضيفي
السبانخ لخليط الفراخ والبصل مع الاستمرار في التشويح لمدة 30 ثانية، وبعد
كده ضيفي الكريمة اللباني وشوربة الفراخ، وبعدين غطّي الحلة، وسيبي الخليط
يغلي على نار هادية لمدة 10 دقايق، وبعد كده ارفعي الحلة من على النار،
وصبّي الشوربة في الأطباق وقدّميها ساخنة.. وبالهنا والشفا.


*******************















أرز بالخلطة وكريب سوزيت على "سفرة دايمة" D3jm5pf2
اغرفي الأرز في طبق التقديم وحطّي على الوش خليط الكبد والكلاوى










أرز بالكبد والكلاوي
المقادير:

  • 2 كوب أرز
  • 1/ 4 كيلو كبدة بتلو مقطّعة قطع صغيرة
  • 1/ 4 كيلو كلاوي مقطّعة قطع صغيرة
  • 1/ 4 كيلو قلوب مقطّعة قطع صغيرة
  • ملعقة كبيرة معجون طماطم
  • 1/ 2 كيلو لحمة مفرومة
  • 2 ملعقة صغيرة سكر
  • 4 ملعقة كبيرة سمن
  • 3 ثمرات بصل مفروم
  • ملعقة صغيرة قرفة
  • ملح وفلفل أسود
  • 3 كوب شوربة
  • 3 فص ثوم
  • بهارات
  • قرنفل


الطريقة:
1- اغسلي الكبد والكلاوي
والقلوب كويس، وبعد كده حطيهم في حلة على النار، وضيفي معاهم السمنة
واللحمة والمفرومة، وشوّحيهم كلهم مع بعض على النار.

2- ضيفي نصف
كمية البصل على الخليط، وبعد كده ضيفي الثوم، وكوب شوربة، وتبّليهم بالملح
والفلفل، وسيبيهم على النار، لغاية ما تحسي إن كل المكونات استوت.

3-
هاتي حلة تانية وحطّي فيها السكر، وسيبيه يسيح على نار هادية لغاية ما
يتحوّل لكراميل، وبعد كده ضيفي عليه باقي البصل وصلصة الطماطم وملعقتين
سمنة، وضيفي معاهم القرفة والقرنفل والبهارات.

4- ضيفي الأرز على
الخليط السابق، وقلّبيهم مع بعض كويس، وبعد كده ضيفي عليهم باقي الشوربة
وسيبيهم يغلوا، وبعد كده غطّي الحلة، وقلّلي درجة الحرارة، وسيبيهم لغاية
ما يستوي يعني تقريبا لمدة 20 دقيقة.

5- اغرفي الأرز في طبق التقديم، وحطّي على الوش خليط الكبد والكلاوي واللحمة المفرومة.. وبالهنا والشفا.


*******************















أرز بالخلطة وكريب سوزيت على "سفرة دايمة" Fwe
حطّي الكريب في طبق التقديم وصبّي عليه باقي الصوص












كريب سوزيت
مقادير الكريب:

  • 3 بيضات
  • 1/ 4 كوب زبدة سايحة
  • 1/ 2 ملعقة فانيليا
  • 1/ 2 لتر لبن دافئ
  • 1 1/ 2 كوب دقيق
  • 1/ 2 ملعقة ملح
  • 1/ 2 كوب سكر
  • 1/ 4 كوب زيت


مقادير صوص السوزيت:

  • 1/ 2 كوب عصير برتقال
  • 1/ 4 كوب زبدة
  • بشر برتقالة
  • كوب سكر


لتحضير عجينة الكريب:
1- اضربي
البيض بالمضرب الكهربي على السرعة الأولى لغاية ما يبقى سائل، وبعد كده
ضيفي عليه الملح والفانيليا، وبعد كده زوّدي سرعة المضرب، وابدئي في إضافة
الزيت بشكل تدريحي، وبعد كده ضيفي الزبدة تدريجيا، وبعد كده ضيفي السكر
بالراحة مع استمرار الخفق لغاية ما تتأكدي إن كل المكوّنات ذابت مع بعضها
تماما.

2- بعد كده وقفي المضرب، وضيفي كل كمية الدقيق على الخليط،
وبعد كده شغّلي المضرب مرة تانية على السرعة الأولى، لغاية ما الدقيق يمتزج
تماما مع العجينة، وبعد كده ابدئي في إضافة اللبن الدافي تدريجيا، واضربي
المكونات مع بعضها كويس جدا؛ علشان تتأكدي إن مافيش فيه أي تكتلات، وبعد
كده صفّيه بالمصفاة، وسيبي العجينة على جنب لمدة 15 دقيقة.

3- بعد
كده هاتي طاسة، وحطّي فيها طبقة رقيقة جدا من الزيت، وامسحي أي زيادة من
الطبقة الدهنية بالمنديل، وسخني الطاسة على النار، وبعد كده افردي عليها
طبقة رقيقة جدا من عجينة الكريب بحيث ما يزيدش سمكها عن 1/ 4 سم.

4-
حطي الكريب على النار لغاية ما العجينة تتماسك، ومش هتاخد منك أكتر من
دقيقة، وبعد كده اقلبيها على الناحية التانية، علشان تاخد لون، وبعد كده
ارفعي الكريب من الطاسة وحطيه في طبق وطبّقيه أربع أرباع، وكرري نفس
الطريقة مع باقي الكمية.

لتحضير الصوص:
1-
هاتي طاسة وسيبيها تسخن على النار، وبعد كده ضيفي عليها السكر، وسيبيه
لغاية ما يسيح ولونه يبقى ذهبي أو بني، وبعد كده ضيفي عليه عصير البرتقال،
وقلّبيه كويس مع السكر.

2- بعد كده ضيفي الزبدة وبشر البرتقال، وسيبيهم على النار لغاية ما يمتزجوا مع بعض تماما، ويكوّنوا صوص السوزيت.

3-
بعد ما الصوص يبقى جاهز عندك، ضيفي فيه الكريب بس الاتنين لازم يكونوا
سخنين، وسيبيهم على النار مع بعض شوية علشان عجينة الكريب تتشرّب من الصوص،
وبعد كده حطّيهم في طبق التقديم، وصبّي عليهم باقي الصوص.. وبالهنا
والشفا.


وبكده تكون خلصت عزومتنا النهارده
أتمنى إنها تكون عجبتكم
وتجرّبوا كل الوصفات اللي قدّمناها
وتبعتوا تقولوا لنا النتيجة كانت إيه


*********************
للتعرف على مزيد من الوصفات الشهية
اضغط هنا "سفرة دايمة"
*********************

الرجوع الى أعلى الصفحة اذهب الى الأسفل
https://eleislam.hooxs.com
 
أرز بالخلطة وكريب سوزيت على "سفرة دايمة"
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نحوا حياة افضل دنيا ودين :: المرأة المسلمة :: زينة وجمال المراة المسلمة-
انتقل الى: