فاضل على رمضان اسابيع قليلة

خاطرة انهرده .. مش لاقيالها بداية أجمل ولا أعظم من الأثر ده .. نقرأه بقلبنا وبعدين نكمل كلام ..

أوحى الله إلى داود : يا داوود إن لي عبادًا أحبهم و يحبونني ، و أشتاق إليهم و يشتاقون إلي ، إن قلدتهم يا داوود أحببتك ، قال داوود : يا ربي دلني إليهم ، فقال : يراعون الظلال بالنهار( أى : يحافظوا على الصلوات بالنهار) و يحنون إلي بالليل كما تحن الطيور إلى أوكارها ، حتى إذا جاءهم الليل و خلى كل حبيب بحبيبه فرشوا إليَّ وجوههم ، و نصبوا إلي أقدامهم ، و ناجوني بكلامي ، و تملقوا إليا بإنعامي فهم بين صارخ و باك وبين منائون و شاكي ، أتعلم يا داوود أعطهم ثلاث أشياء الأولى لو كانت السماوات السبع و الأرضون السبع في ميزانهم يوم القيامة لأستقللتهم عليهم ، و الثانية أقذف من نوري في وجوههم و في قلوبهم فتستنير قلوبهم ووجوههم ، و الثالثة اقبل عليهم بوجهي أرأيت يا داوود من أقبلت عليه بوجهي أيعلم أحد ماذا أريد أن أعطيه .

يعنى هو الكلام اللى فات .. ممكن يكون لخص كل الكلام اللى ممكن يتقال بعد كده .. بس هو فى لطائف جميلة عايزين نفتكرها ..

سؤل الحسن البصري لماذا المجتهدين بالليل أجمل الناس وجوها ، قال : لإنهم خلوا بالرحمن فألبسهم من نوره.

طيب لما هو كده .. أمال إحنا ليه مش بنقوم الليل وننال الشرف ده ؟؟

سيدنا الحسن بن علي يقول : إذا لم تقدر على قيام الليل و على صيام النهار فاعلم انك محروم و قد كثرت ذنوبك .

اه .. دى حقيقة ... كان فى مقولة بتقول " أطع الله بالنهار يقيمك بين يديه بالليل " ..

ثم إن قيام الليل هو شرف المؤمن .. هو لقاؤه بربه .. ثوابه كبير .. وأثره عظيم على نفس المؤمن .. ولا يُنال الشئ الغالى إلا بعد تعب الغالى ..

قال أحد العارفين : عانيت من قيام الليل سنة و استمتعت به عشرين سنة ..

طيب إحنا ليه جينا انهرده علشان نقول قيام الليل ؟؟؟

علشان رمضان كمان 24 يوم .. وإذا مكناش تعودنا من قبل كده على القيام .. فخلاص مش باقى كتير .. اللى مش بيقوم الليل لحد انهرده .. هيعمل إيه فى رمضان ؟؟ هل هيبدأ يتعود فى رمضان ؟؟ ويضيع منه كام يوم فى ليل رمضان دون أن يقوم ؟؟ دون أن يناجى ربه ..

كان دعاء النبى صلى الله عليه وسلم عند القيام : اللهم لك الحمد أنت ملك السماوات و الأرض و من فيهن و لك الحمد أنت نور السماوات و الأرض و من فيهن ولك الحمد أنت قيوم السماوات و الأرض و من فيهن و لك الحمد أنت حق و وعدك حق و لقاؤك حق و الجنة حق و النار حق و النبيون حق و محمد صلى الله عليه و سلم حق ، فاللهم اغفر لي ما قدمت و ما أخرت و ما أخفيت وما أعلنت .

يعنى الواجب إيه من انهرده ؟؟

الواجب هو قيام الليل .. إحنا محتاجين جداااا نناجى ربنا فى هذه الأيام .. كثرت الذنوب .. وثقلت الهموم .. وضاقت السبل .. ولا ملجأ إلا الله .. ألا تشتاقوا إلى خالقكم ؟؟؟

عادة لما بيكون فى حث على قيام الليل .. بنقول أبدأ بركعتين قبل النوم .. حتى تعتاد على القيام وبعدين نقدر نجيب اللي قبل الفجر ..

بس المرة دى .. مفيش وقت .. رمضان قرب جداااا .. محتاجين نقرب جدااا من ربنا وندعى كتير .. محتاجين نجيب كلنا رمضان من أوله .. ويبلغنا الله ليلة القدر ..

علشان كده هنتفق إن من انهرده إن شاء الله هيكون قيام الليل قبل الفجر .. كل حسب قدرته .. الفجر بيأذن فى الخامسة تقريبا .. كل حسب شوقه إلى الله .. هيقيمه الله بين يديه ..

يعيننا على القيام .. النوم المبكر .. والنوم بنية القيام . . والأهم من كل ده " لا تعصوا الله بالنهار يقيمكم بين يديه فى الليل " ..

نقطة أخيرة .. يعيننا على قيام الليل كمان .. الصحبة الصالحة .. اتفقوا يا جماعة انكوا تقوموا الليل وتصحوا بعض .. ده هيبقى ليه أثر كبير فى النفس

والله يا جماعة " قيام الليل ده شرف عظيم ومنحة كبيرة لا يعطيها الله إلا لخاصته .. فادعو الله أن نكون منهم .. حتى يعيننا الله على طريق النهضة ...

ولا تنسوا .....