ايهما افضل؟

أيهما أفضل ؟ أن يختار الشاب البنت الأفضل منه في الإلتزام بالدين
أم العكس أن يختار بنتا أقل منه في الإلتزام بالدين ؟
1 وجهة نظر لو الشاب ملتزم كويس اوى وعنده قدره على الدعوه واستمالة القلوب لله يبقى يختار البنت اللى اقل منه فى التدين لانه هياخد فيها ثواب ولان لما ولد يغير بنت اسهل مليون مره لما بنت تغير ولد انما بقى لو الشاب معندوش قدره دعويه يبقى الاحسن انه ياخد بنت من مستو تدينه او اعلى منه
2 أرى إنه من المهم أن يكون هناك تقارب بينهم فى مستوى الإتزام وإن كان هناك شخص أقل فى الإلتزام فلتكن الفتاة وليس الشاب لأن الشاب عند الزواج سيكون هو المسئول وكما نعلم كلكم راع وأظن أن الرجل هو راعى البيت والمراة أيضا راعية فى بيتها ولكن فى حالة أن الشاب هو اعلى إتزاما من الفتاة أفضل لانه مسئول عن توجيهها وتعليمها وفى حالة لو أن الفتاة هى اعلى إتزاما ممكن جدا لا يتقبل زوجها كلامها ودعوتها له من باب أنه الرجل الذى لا يرضى أن توجهه زوجته
3 أعتقد ان ده بيعتمد على شخصية الفرد سواء كان المؤثر الزوج أو الزوجه لأن كتير زوجات أثروا فى أزواجهم وكتير حصل العكس وبرده كتير أزواج فشلوا فى اصلاح زوجاتهم و ساعات برده زوجات فشلوا فى كده علشان كده أعتقد ان المسأله مسألة استعداد من الأول واقتناع يعنى لو الطرف الغير ملتزم عنده استعداد من الأول للتغيير للأحسن الطرف الآخر أكيد حينجح ولو الطرف الملتزم عنده الصبر والعزيمه لتحقيق هذا التغيير حينجح
4 اعتقد ان مدى استعداد الشاب هو الاساس ومدى طموحه فى شريكة حياته فهل هو يتمنى زوجة عادية او زوجة ملتزمة ام شديدة الالتزام فاذا كانت ملتزمة لكن بدرجة اقل منه وباقى جوانب شخصيتها تتفق مع شخصيته وتواجد بينهم التفاهم والاحترام والتوافق والهدف الواحد وهو انشاء اسرة اسلامية يرضى عنها الله عز وجل فمن المؤكد انه سوف ي ستطيع الارتقاء بها فى مستوى الالتزام وده اكيد هيكون ليه احساس
اجمل واثر اقوى
5 انا بتهيألي الحكايه دي محتاجه قوة ادراك من الشاب وانه يحكم علي نفسه صح بمعني:
لو هو حاسس انه عنده قدرة للتمسك بدينه ايا كانت الالهاءات والظروف حواليه وشايف انه عنده القدره علي التأثير في الاخر بدون ان يتأثر هو يبقي طبعا الأحسن انه ياخد بنت اقل منه دينيا يكسب فيها ثواب ويعليها معاه ويعينها علي طاعة الله واكيد في الحاله دي حيبقي الثواب كبير

الخلاصه هي انه لازم احد الطرفين يكون قوي دينيا عشان ياخد بايد التاني عشان تكون المحصله بيت يتقي الله ويراعي حرماته ويجيب اولاد يبنوا الاسلام مش يدمروه


ليه البنت بتدور على المتدين:
أنا شايفة انه بيكون لسبب من اتنين
ا اما انها خايفة تتجوز واحد تدينه أقل منها فتتأثر هي بيه بدل ما تؤثر فيه وتدينها يقل. فتبقى عايزة واحد يرفعها مش ينزلها
ب أو تكون عايزة تأمنه على نفسها، لان طبعا الزوجة أضعف من الزوج، وسهل قوي انها تتظلم لو كان الزوج ظالم، والحاجة الوحيدة اللي تخليك ضامنه انك متتظلميش ان يكون زوجك بيخاف من ربنا فمش ممكن يغضبه ويجور عليك

الخاطب اللي يخطب ويسافر وتبقي معرفته بخطيبته بس عن طريق التليفونات والنت
كلما كانت المعرفة أكتر بين الطرفين كلما كان أحسن
عيوب المعرفة عن طريق التليفون والنت انهم مبيشفوش بعض يعنى لو شخص جلس يتكلم معاكى ساعة فى التليفون هل حيفرق بين شخص جالسة يتكلم معاكى وجة لوجة فية فرق بس هل فرق عظيم لما يكون الموضوع بالتليفون بين الخطيب وخطبتة فقط لية مميزات برضو
تعالوا نبص من الناحية الأجابية
1 السفر يؤدى إلى زيادة فترة المعرفة بين الطرفين لإن لو كل الظروف متاحة والأثنين موجودين أمام بعض يبقى قد يتم التسرع فى الزواج أما المسافر فغصب عنة هيستنى
2 السفر لية فوائد عظيمة يتعلمها الشاب وهو مسافر ولا يتعلمها وهو فى حضن أهلة لإنة بيتحول لشخص بيعتمد على نفسة كليا ويتحمل مسئولية
ويصبح فية وقت كبير يجلش الشاب مع نفسة ليبنى اللى ناقص فية ويصلح الخربان فى شخصيتة الأتكالية وينضج تفكيرة وشخصيتة
3 البعد المكانى يحد من حدوث أى تجاوزات فى الدين بين الطرفين
4 البعد المكانى يؤدى إلى تحكم العقل وليس تحكم القلب فى القرار لإن
لو البنت أمام الولد الولد مش حيشوف أى عيوب وكذلك البنت فالعقل هو اللى بيستخدم هنا فعلا أما القلب فبيبقى مش فاهم وفاصل
5 بتشوف البنت الولد وهو فعلا شايل المسئولية فى وسط معمعة الشغل
وبعيد عن أحضان أهلة فترى فعلا معدن الشاب
6 بتقل المشاكل العظيمة اللى ممكن تحصل نتيجة أحتكاك الأهل بالأهل
أو الأهل بالعريس أو العروسة ودة بيساعد إن الجوازة تكمل بتقل المصاريف شوية فبيساعد إن العروسان يبنوا بيتهم أسرع


رأى اخر
2 بصراحه انا بعترض على حكاية الخطوبه والاتنين بعاد عن بعض دى لاسباب كتيير منها ان خطيبك لما هيكلمك هيبقى زى الملاك معاكى و هيكون كلامكو مثالى اوى وما اظنش انكو هتتكلمو فى كل المواضيع بواقعيه زى
ما تكونو مع بعض
3 الاهم انك تشوفى تعبيرات وشه وهو بيتكلم لان ممكن تعرفى ان واحد متضايق من تعبيرات وشه من غير مايبين فى طريقة الكلام انا عندى انى اشوف اللى بتكلم معاه لان فى مواضيع الواحد لازم يبقى شايف فيها اللى قدامه وهو بيكلمو وحكاية الشات والتليفون مش كفايه
4 الحكمة من الخطوبة إنهم يعرفو بعض عن قرب والتلفون لا يغني اطلاقا
عن الرؤية الواقعية فترة الخطوبة بيتفق فيها الطرفين على تحضيرات الزواج وبردو مهم أوي وجود الطرفين البعيد عن العين بعيد عن القلب وهذا البعد سيسبب جفاء بين الطرفين
5 أكيد بعد الزواج هيبان لكل طرف حاجات مشفهاش في الطرف التاني وهيندم على الموقف ده وهو عدم التعارف الحقيقي في فترة الخطوبة
بالنسبه ان واحد يخطب و يسافر
6 ممكن ناس تقبلها وناس لأ يعنى كل واحد وظروفه وطريقة تفكيره فى ناس عايزه تحسن ظروفها و ناس تانيه مش محتاجه وفى ناس راسمه لنفسها انها عايزه تتجوز واحد وتسافر معاه وفى كل الأحوال كل واحد حر فى حلمه
أما بقى بالنسبة لحكاية ان فى ولاد بيشطرتوا وظيفة معينه للعروسه
بيكون ناتج عن انطباع معين أخدوه فى حياتهم كل واحد له الحق انه يرسم لنفسه شكل الحياه اللى هو شايف انها حتسعده
7 ان الشخص يخطب ويسافر دي بتبقى فيها مخاطرة كبيرة جدا على البنت وأنا شفت ناس عملوا كده واتجوزوا وسعداء مع بعض بس انت تضمني منين مهو لازم الواحدة تعرف الانسان اللي قدامها كويس وتعمله اختبارات فالنت والتليفون مبيبينش حقيقة الانسان زي مايكون قدامك وشايفة تعابير وجهة وحاسة اذا كان صادق ولا لا اما اذا كان عشان ميحصلش تجاوزات فالانسان الملتزم يقدر يحافظ على حدود الله بانه ميحطش نفسه في مواقف تسهله الخطأ يعني المخطوبين لو ملتزمين ومبيقابلوش بعض غير في وجود حد معاهم يبقى مفيش مجال للتجاوزات
8 الكلام مهما طول في التليفون او علي النت عمره ما يبين خبايا الشخصيه لان كل واحد فيهم بيرسم حلم وردي للتاني ميعرفش عن الطرف التاني غير شوية كلام وخلاص امال فين الهدف اللي حققتوا فترة الخطوبه فين الفرصه انك تحكم هل الانسان ده ملم بأولويات دينه هل هو بخيل ازاي معاملته لاهله حتقولي وايه الفايده لما يشوفوا بعض اكيد في فرق لانه معني انهم يقابلوا بعض انه بيبقي فيه احتكاك مباشر وانت عارف طبعا ان الحجر مبيولدش شرار غير لما يحتك ببعضه يعني المعرفه عن قرب بتبين حاجات مهمه اوي نتيجه للمواقف الكتير اللي بيتعرض ليها المخطوبين مش معني كلامي ده انه ميسافرش طول فترة الخطوبه لا بس لازم يتوفر وقت كافي للقرب من بعض يعني بعد ما يرجع او اجازه طويله شويه
9 المشكله التانيه انه البعيد عن العين بعيد عن القلب ده حقيقي لان البنت مهما كانت بالذات الملتزمه بيبقي جواها مشاعر شايلاها بس لزوجها وبتبقي فرحانه بالتجربه ومحتاجه تحس بوجود الشخص اللي دخل حياتها فجأه ده جنبها انا برده معاك انه كتر الاحتكاك بيعمل مشاكل بس يعني ليه ميبقاش خير الامور الوسط يعني يسافر شويه ويرجع برده شويه عشان منندمش وقت لا ينفع الندم