حدود العلاقه بين المخطوبين‏

ما هي حدود الاختلاط بين الجنسين وقت الخطبة ؟

لقد رغب الله سبحانه وتعالى في الزاوج بل أمر به لقوله تعالى :"وأنكحوا الايامى منكم" والزواج نصف الايمان كما قال الحبيب المصطفى صلى الله عليه وسلم.

فالطريق اذن لنصف الايمان لابد ان تكون سليمة على منهج الهدي الاسلامي.
فالخطبة اذن هي وعد بالزواج وليست بزواج، وبالتالي يجوز في الخطبة النظر ولمرات متعددة بغية التوافق النفسي وتحقيق الميل فهذا رغبت فيه السنة النبوية في هذا الباب.

ويجوز ان يجلس المخطوبين ويتكلما في امور متعددة شريطة ان تكون معروفا وبوجود محرم، واسطر على كلمة محرم.

ويجوز في الخطبة الهدية قال صلى الله عليسه وسلم:"تهادوا تحابوا".
وليحرص المخطوبين على ان تمرهذه الفترة دون الوقوع في محاذير شرعية لانه في ظل الظروف الحالية مع تطور وسائل الاتصال كالانترنت والهاتف النقال وغيرها يمكن ان يقع الانسان في بعض الاخطاء وذلك اذا استعملت هذه الوسائل فيجب ان يكون الكلام في معروف (تصوراتكما للزواج ولمؤسسة الاسرة ولاعداد البيت وتهييئه ولتربية الابناء واسلوب العيش..)
فلكي يبارك الله سبحانه وتعالى هذا الزواج لابد ان تكون مقدماته سليمة من الاخطاء ، فالالفة والمودة والرحمة يمكن ان يقع شيء منها في فترة الخطوبة لكنها في عمقها وحقيقتها لا تتحقق الا في ظل مؤسسة الزواج، يقول الله تعالى في سورة الروم:"ومن آياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون".

الجواز
لا تحب الزوجة زوجها ولا تتحمل مشاكلة علشان خاطر حبابى عينية ولا تربى الزوجة أولادها علشان تشفهم فى أحسن وظيفة ولا يبنى المسلم بناء فى الدنيا علشان خاطر يكسب ولا يعمل المسلم حاجة فى الدنيا للدنيا الل يعمل كدة يبقى غبى وضعيف البصير فهى ستموت وزوجها و أولادها سيموتوا والبناء سيهد والدنيا ستفنى بس المسلم زى مإنتم عارفين يعمل كل شئ لحياتة فى الأخرة فإنتى تحبى زوجك علشان الأخرة وأنت بتتحملى عيوبة من أجل الله علشان لما نقف أمام الله عرايا نرتعش فى قمة ضعفنا والله فى قمة سلطانة ونقول يا رب عايزين ندخل الجنة يبقى فية حاجة عملناها لأخذ هذا الكنز اللى ربنا بيقول علية دة غالى

لية المشاكل الموجودة فى الزواج
فيه حالة نفسية مشابهة جدا بتحصل للزوج بعد الزواج هو ده اللي سمعته بعد ما يتجوز وتعدي الفترة اللي يبقى سعيد فيها جدا انه حصل على حلم حياته بعد ما يصدق ان حلم حياته اتحقق يبدأ يحس ان زوجته مجرد سجان عايزة تحبسه جنبها وتبعده عن العالم كله ويبقى عايز يفك منها بأي طريقة ده غير احساس تاني كان الأول أيام الخطوبة يبقى عايز يشوفها ومش قادر بيبقى محروم منها يشوفها شوية وبعدين لازم يفترقوا حتى لو مشبعش منها لكن دلوقت هتروح فين لو عايز يشوفها هيشوفها متوفرة في أي وقت فخلاص احساسه بأنها حلم حياته اللي نفسه يحصل عليه بينتهي ممكن يغيب عنها قد مهو عايز لأنه وقت مايعوزها هيلاقيها موجودة وده بيخليه ميعوزهاش خالص ده كلام علماء نفس مش كلامي
المرأة شعورها مختلف تماما لو عاشت طول عمرها معاه مش هتزهق طيب ايه الحل أكيد نفس الحل السابق ده بيتك ودي زوجتك وأكيد الشيطان هو الي بيقولك ان سعادتك مش معاها لازم تتغلب عل الاحساس ده لو الرجل فهم ده هيتجنب مشاكل كتير بتحصل بعد الزواج
فيه حاجة تانية أكيد لما اتنين مختلفين عن بعض في طباعهم وعاداتهم فجأة يعيشوا مع بعض لازم يحصل تضارب في الطباع المشكلة ان الرجل بياخد موقف عدائي وبيعتبره اثبات لرجولته انه يمشي البيت على طباعه
هو بس مينفعش طبعا لازم يبقى فيه حل وسط يرضي الطرفين زي ما قلت قبل كده لازم الطباع تنصهر وتعمل طباع وسط تناسبهم هم الاتنين

بالنسبة لموضوع الرجولة
الرسول قال رفقا بالقوارير وأنا شايف زوجتى أخدها من بيتها ملكه فأجعلها تعيش معى ملكه فى نفس الوقت أنت عندك
حق فلو طرف قعد ييجى على نفس ييجى على نفس ييجى على نفس حيفرقع فى الأخر وممكن الرجل علشان حاجة صغيرة يحصل طلاق علشان الزوج شايل جواة ومضغوط ومحدش مراعية فهنا حيحصل خسارة لجميع الأطراف فهذة معادلة صعبة
فإنتى عايزة زوجك يبقى أزاى يعنى لو قالك يمين قلتيلة شمال و متزودش فى الكلام أنت عايزاة يتصرف إزاى فلو وافقك و شال جواة حيحصل طلاق بعد مثلا عشرين مرة من مرات الشيل جواة
ولو غصب عليكى يبقى غبى فى أسلوبة أنت عايزاة يتصرف إزاى يعنى توضيب البيت مش على الزوجة وأن من واجبات الزوج إنة يجيب خدامة فى البيت للتنضيف والتوضيب

نصائح للزوج
1 لا تظهر لها الغضب الشديد و إذا غضبت فيكون فقط غضب خارجى سهل التحكم فية
2 ذكر إن المرأة لا تنسى كل كلمة تقولها
3 المرأة تحتاج إلى الاحترام والتقدير أشد من حاجتها إلى العطف والحنان
4 أمام أى أحد تحب المرأة كل الأحترام و عدم النقد
5 إذا كان فى شئ ممكن تعملة بنفسك فى البيت فقم بة
6 متى جفوت عليها فستجفو عليك ربما ليس في الظاهر
بل تغور في جذور قلبها
7 تزين لامرأتك كما تتزين لك
8لا تقول أمى كانت تفعل كذا
9 أعمل فطارك بنفسك و أمدح فى طبيخها
10لا تهدد بالزواج من أخرى
11لا تذكر أهلها بسوء
14 بر والديك واجب عليك، فلا تكلف زوجتك به مهم حسن إدارة العلاقة بين الزوجة و الأم

الرجل يحب المرأة الزكية
لأن الذكاء معناة أية معناة الزوجة ستختار كلامها والألفاظ اللى تقولها وأوقات فتح الحوار وطريقتة
الذكاء معناة المرأة عارفة تودى الفلوس فين والذكاء الأم سينقل للأولاد ويحتاج الزوج إن زوجتة تكون زكية علشان لما يواجهوا أبتلاء من أبتلاءات الدنيا ميكونش هو العقل الوحيد اللى بيفكر
ولو كانت الزوجة غبية ما حتيجى على دماغة فطبعا هو بيحب
إن زوجتة تكون زكية


بالنسبة للشخصية القوية
جميل إن الزوجة تكون لها شخصية قوية ولكن إذا حس إنها ستحاول تكون هى الراجل فى البيت يعنى تفرض رأيها ولو أختلفوا فى الرأى ستركب دماغها وتسبب لة مشاكل دة طبيعى مش حلو فيحب الرجل إن المرأة تحسسة إنها ستكون مطيعة وشخصيتها القوية ستكون فى صفة ومش ضدة وتفهمة إن إذا أختلفنا فى الرأى سأحاول أقناعك لمدة قصيرة فإذا لم تقتنع فسأفعل ما تشاء وأنا راضية
فجميل إن شريك حياتك يكون عندة أمكانيات جميلة زى
الشخصية القوية والذكاء بس دة جميل مادامت الصفات دى حتكون فى صفة ضد الدنيا وأبتلاءاتها و مش حتنقلب ضدة وتكون سبب لوجع الدماغ ودة شئ طبيعى
فمثلا قد تحب البنت الرجل قوى الجسمان بس لو عرفت إنة بيضرب النساء بغباء فهل ستحب القوة وتعتبرها ميزة مع إن القوة دى ميزة ولكن مادامت تحقق ما تريدة المرأة من أحساس بالحماية والأمن وخلافة
قد تحب المرأة الرجل الوسيم بس لو دة بيجعلها على طول فى غيرة وعرفت إنة لسة بيصاحب بنات وهو خاطبها هل ستكون دى صفة جميلة
قد تحب المرأة الرجل الأجتماعى بس لو دة بيجعل بيتها مزار للناس فى كل وقت ويسبب ضغط عليها ويدخل الناس فى حياتها فهل دى ميزة
تحب المرأة الرجل الفكاهى بس لوحست إنة هايف فلن تحس معة بأمان فكل دى مميزات بس المهم تبقى فى صفك ولا تسبب وجع دماغ فلو حس الإنسان إن الجواز سيملأ حياتة بصداع و مشاكل مش حيتجوز فشوفى الرجل بيحب أية وأجعلى مميزاتك كلها مع اللى بيحبة
مثلا الراجل بيحب الجمال الحياء عايز يدخل الجنة مش عايز ينجرف للدنيا بيحب الشخصية الجميلة الزكية المستقرة الهادئة اللى حتملأ البيت بهجة فعرفية إن جمالك دة لية هو فقط ولن يكون مصدر للغيرة وقلق
والرجل يخاف الشخصية اللى حتملأ البيت نكد وجرى ناحية الدنيا و مشاكل فلو حس إن البنت بتطلب حيخاف إنة ييجى يوم ميعرف يوفى فسيهرب لإن يخاف أن يزداد علية الضغط دة ويصبح زوج فاشل فعرفية إنك قنوعة وأهم حاجة إن لو البنت فيها صفة معينة أو عايزة حاجة معينة فمن الأول توضح ولا تكذب لأن حييجى وقت التنفيذ بعد الزواج ولو كانت بتضحك علية وتتجمل فستفسد حياتها وحياتة و فعلا ستشقى ومن حق الراجل يخاف لإنة بيرى كل يوم بيوت فيها نكد وعناد ويشوف راجل مش هو راجل البيت فيخاف إنة يكون زية فطبعا لا يحب الشخصية العنادية اللى ولا بتعرف تقنعة ولا بترضى تسمع كلامة وتكون مصدر لوجع دماغة و مشاكل


فكرة إن حفلة الخطوبة ملهاش لزمة
حتقولى بس دى علشان الناس يعرفوا إنها أتخطبت هأقول لك إن الأصل فى الخطوبة الكتمان ودة كلام الدين يعنى المفروض إن محدش يعرف إنها أتخطبت لأن الخطيب مش خطيب كلاهما ليس لة أى حقوق ولا علية أى واجبات فأنت قبل متخطب بعد ماخطبت من حيث الحقوق والواجبات ومن حيث كل شئ ولو عرف الناس بالخطوبة فدة بيكون مصدر حسد للزواج كبير ومصدر مصاريف كبير وفى الأخر أعلان الخطوبة وحفلة الخطوبة عكس أوامر الدين وملهاش لزمة فهى ولا حاجة فى عرف الدين ولهذا أقترح إن الواحد يتأكد من الطرف التانى ويأخذ وقتة وكلة فى أطار الأسرة وفى أطار الدين ثم يكتب الكتاب وحفلة الخطوبة بتعطى عزر لتأخير كتب الكتاب ودة بقى لة أضرار كتير ممكن يتكتب فيها كتب

أما الخطوبة فهى بتفتح أبواب خبيثة كتير ومنها
حجة لتأخير الزواج ودى مش فى مصلحة أحد
1 قد يتخيل البعض إنها تعطى الخطيب بعض الحقوق وتفرض علية بعض الواجبات
2 بداية مصاريف كتير على الشاب فيتأخر الزواج وتزيد المشاكل
3 وفعلا لو الواحد وجد شريك حياة جديد و كانت عزيمتة قوية ونفسيتة سليمة وشريك الحياة الجديد فعلا يستحق فسيكون الأنتقال بإذن الله سهل



الجواز عمرة مكان هدف
الجواز وسيلة وسيلة للوصول للجنة وسيلة سهلة جدا وقوية جدا فكل حركة بسيطة وصغيرة جدا بين الزوج والزوجة بحسنات كتير جدا فالجواز بيفتح باب وراءة طوفان وأنهار ومحيطات من الحسنات السهلة والجميلة
الهدف بس هو الجنة ويبقى بصيرتة ضيقة جدا اللى يحط أى هدف فانى تانى بس على فكرة أحيانا الجواز بيبقى وسيلة كبيرة لاخد ذنوب كتير لان برضه أي شئ صغير ممكن ياذي مشاعر الطرف التاني فالموضوع عايز واحد حاطط قدامه دايما الهدف ومش ناسيه والانسان اللي تبقى كل تصرفاته مبنية على انه عايز ياخد حسنات يبقى مش هيزعل حد